أنا خلاااااااص .. تعبت !!

موضوع: أنا خلاااااااص .. تعبت !! 2/8/2010, 10:07 am

أنا خلاااااااااص تعبت !!

دي أول كلمة
فاطمة قالتها لأسماء في أول زيارة بعد ما أخدوا الأجازة
..

أسماء : ليه بس يا بطوط .. مالك ؟

فاطمة : أنا حاسة إن مفيش فايدة فيا
.. مفيش أمل يا أسماء مفيش ..

أسماء : طب ممكن تهدي بس وتقوليلي
إيه اللى حصل ؟

فاطمة بتبكى
بحرقة ومش عارفة تتكلم .. وأسماء أخدتها فى حضنها وحاولت
تهديها ..

أسماء : ها .. ممكن بقى تقوليلى مالك ؟

فاطمة .. بصوت متقطع : فاكرة يا أسماء .. لما قلتلك .. انى .. عايزة أتغير .. ونفسي .. أقرب من ربنا بجد ؟

أسماء : اه ..

فاطمة : طيب .. دلوقتى الاجازة بدأت من
أسبوع .. وكان فى فرصة كبيرة انى أتغير ..
لكن لحد دلوقتى مش عارفة أعمل حاجة .. يعني كان نفسي
أبدأ أنتظم فى الصلاة .. كان نفسي أبدأ أحفظ قران .. كان نفسي أسمع شرايط .. كان نفسي أعمل
حاجات كتيييييير .. لكن ما عملتش حاجة لحد دلوقتى ..

يا أسماء أنا
بحب ربنا أوي .. ونفسي فعلا أقرب منه .. لكن
..

وهنا انفجرت فاطمة بالبكاء وهي تكمل : أنا عارفة أنا ليه كده .. عشان ربنا مش
بيبحبنى ..

أسماء : طب براحة بس شوية .. مين اللى قال كده ..

بصي ..
أشربى الحاجة الساقعة دي وأنا
هفهمك كل حاجة ..

يا ترى أسماء
هتقول إيه لفاطمة ؟
انتظرونا بعد ما
فاطمة تشرب الحاجة الساقعة

موضوع: رد: أنا خلاااااااص .. تعبت !! 2/8/2010, 10:09 am

فاطمة وهي تضع تليفونها جانبا : أيوة يا أسماء
كمّلى معلش قاطعتك .

أسماء : لا عادى .. بس احنا كنا بنتكلم عن إيه
؟

فاطمة :كنتى بتقولى إنى المفروض أكسر العقبة اللى قدامى أو أقفز فوقها
!!

أسماء : آه آه .. افتكرت .. عشان تكسري العقبة اللى قدامك لازم تهيأى
قلبك ل 5 حاجات .

فاطمة : ايه هما ؟

أسماء : أول حاجة يا ستى

عـــــــــدم إخــــــــماد الهمـــــــة

فاطمة : مين
؟

أسماء : ههههههههههه .. عدم إخماد الهمة .

فاطمة : يعنى إيه
؟

أسماء : يعني مش أول ما تيجي عقبة قدامك تنزّل همتك وتجيب لك إحباط ..
يعنى لو مثلا قبل العقبة كانت همتك 70% بعدها تبقى صفر ... لا .. المفروض تبقى 100%
.. تمام ؟

فاطمة : هحاول .. طب وتانى حاجة ؟

أسماء : تاني حاجة يا
ستى ..
عـــــدم استغــــراب العقبــــات مهـــــــما كثــــــرت
.

فاطمة : إزاى ؟

أسماء :يعنى ما تستغربيش ان فى عقبات كتير قدامك
لان هو ده الطبيعى زى ما قلتلك قبل كده .. فالطبيعى وجود عقبات فى طريقك فما
تستغربيش .. ماشي ؟

فاطمة : هحاول برضه

أسماء : انتى استعينى بالله
وادعى كتير ان ربنا يرزقك تحقيق ال 5 نقط دول عشان تقدرى تكسري أى عقبة قدامك ..
وربنا معاكِ إن شاء الله .

فاطمة : إن شاء الله .. طب وإيه التالتة
؟

أسماء : التالتة يا ستى ..
عــــــــدم القنــــــــــوط
يعني ما
تنظريش للعقبة دى أنها سبب انتكاستك .. لان مفيش حد نظر للعقبة نظرة إنه هيتخطاها
إلا وتخطاها فعلا .. فالعقبات دى زى الحقن المغذية بتغذي العبد فى طريقه إلى الله
عز وجل ..فالمحن تصنع الأبطال ..

فاطمة : بس أنا ساعات بخاف فعلا ان العقبة
دى توقفنى أو ترجعنى وراء ..

أسماء : ماشي .. مفيش مشكلة إنك تخافى بس ما
يكونش خوف لدرجة الإحباط اللى يخليكي تنامى فى الخط .. فاهمانى ؟

فاطمة : اه
.. دلوقتى فهمت

أسماء : طب الحمد لله .. بالنسبة بقى للرابعة فهى
..
فهــــــــــــــم الحكمــــــــــــة

فاطمة : حكمة .. حكمة إيه
؟

أسماء : يعني إستخدمي العقبة دى لصالحك .. فالذكي هو اللى يحول الأمور
اللى تهدم غيره لسلالم ترقيه ..

فاطمة : طب إزاي ؟

أسماء : لازم تحطي
فى دماغك إن مفيش عقبة هتدوم ولكن يا ترى هتنتهى على إيه ؟
يعني هيكون شكلك إيه
أمام الله عز وجل بعد العقبة دى ؟
لازم تسألى نفسك السؤال ده :
أنا بعد
العقبة دى طلعت ولا نزلت ؟
لو شغلتى نفسك بالسؤال ده أثناء العقبة هتقدرى إن شاء
الله تكسريها .

فاطمة : ربنا يعيننى .. وإيه بقى خامس حاجة ؟

أسماء :
خامس حاجة يا ستى ..
الثقـــــــة فى رحمـــــــات اللــــــــــه عـــــز و
جـــــــــل

فاطمة : يعني إيه ؟

أسماء : يعني في أحلك الظروف ومهما
كان موقفك لازم يكون عندك ثقة فى رحمة أرحم الراحمين سبحانه وأنه رحيم بك وقدير أنه
يفرج عنك العقبة دى ويخلصك منها .

فاطمة : ماشي بس ..

أسماء : بس إيه
؟
ده من أدبك مع الله عز وجل أنك تثقي فى رحمته .. دى هى فعلا الشخصية
المتكاملة .. لو طبقتى يا فاطمة الخمس نقط دول فى أى حاجة تقابلك .. عايزة تحفظى
قران .. عايزة تنتظمى فى الصلاة .. عايزة تحسنى حجابك .. عايزة أى حاجة ومش عارفة
.. طبقى النقط دى وربنا يعينك إن شاء الله .

عارفة يا فاطمة لو
حاسة إنك مش هتقدري تحققي ال5 نقط دول .. قومى وصلى ركعتين وأسجدى وأدعي ربنا
وأحكيله عن كل مشاكلك قوليله : ماليش غيرك .. قوليله : يارب هذه الآمانة ثقلت عليّ
وأنت على كل شئ قدير .. أحكيله يا فاطمة عن أى حاجة واقفة قدامك وهو مش هيسيبك
..

فاطمة : ماشي أنا أول ما أروح هعمل كده إن شاء الله .

أسماء : وعد
؟

فاطمة وهي تنظر لساعة يدها : آه .. بس أنا مضطرة أمشي دلوقتى عشان أمى
عايزانى فى البيت عشان خالتو هناك ..

أسماء : بس إحنا لسة ما خلصناش
كلامنا .. بس على العموم مش هقدر أمنعك عشان لازم تبري أمك .. بس عايزة أشوفك قريب
.

فاطمة : ماشي إن شاء الله قريب جدا هنتقابل عشان أنا محتاجة كلامك جدا يا
أسماء .. انا بجد مش عارفة أشكرك إزاى .. أنا كنت حاسة بإحباط شديد و كلامك ريحنى
جدا بصراحة .

أسماء : لا يا شيخة ما تقوليش كده احنا أخوات وبعدين ده كله من
فضل الله .. يعنى بدل ما تشكرينى أشكرى ربنا الأول ..

فاطمة : آه فعلا ..
الحمد لله يا رب ..

أسماء : أوعى تنسي الركعتين اللى إتفقنا عليهم .. أنا
عارفاكى هتقعدي ترغي مع خالتك وهتنسي الركعتين .. صح ؟

فاطمة : لا لا ما
تقلقيش ..

أسماء : أدينا هنشوف !

فاطمة وهى تلتقط شنطة يدها : يلا
بقى عشان أمى ما تزعلش منى .. السلام عليكم رحمة الله وبركاته .

أسماء وهي
تعانق فاطمة : وعليكم السلام ورحمة الله وبركاته .

ورجعت فاطمة إلى
بيتها وهي تفكر طوال الطريق في كلام أسماء ..

يا ترى هتقدر فاطمة
تحقق ال5 نقط ؟

ويا ترى هتعرف تصلى الركعتين اللى اتفقوا عليهم ولا خالتها
هتشغلها ؟

هذا ما سنعرفه الحلقة القادمة إن شاء الله
..

.

.
.
.

.

إنتــــــــــتظرونـــــــــــــــــا

موضوع: رد: أنا خلاااااااص .. تعبت !! 2/8/2010, 10:10 am

الحلقة الأخيرة

رجعت فاطمة
إلى منزلها وبالها مشغول جدا بكلام أسماء

تفكر فى كل حرف
وكلمة

ودخلت المنزل ووجدت خالتها فى انتظارها سلمت عليها

واخذت تتكلم معها قرابة الساعة ونصف وبعدها تذكرت كلام

أسماء وتحذيرها لها بأن لا تنشغل بخالتها وتقوم لتصلي

الركعتين التى اتفقوا عليها .. ولكن خالتها لازالت تكلمها ولا

تستطيع قطع الحديث معها ولا تدرى ماذا تفعل .. فقالت

لنفسها :

انا المفروض اطبق كلام اسماء فى
الموقف ده لان دى عقبة

والمفروض ما اقفش قدامها .. لكن لازم
أكسرها زى ما اسماء

قالت لى ..

واخذت فاطمة
تسترجع ال5 نقاط وتحاول تطبيقهم بقلبها

وبعدها وجدت خالتها
تنهى الكلام وكأنها تريد أن تمشي وفعلا

سلمت عليهم ومشيت
..

فقامت فاطمة وتوضأت وأخذت تصلى وتدعو الله عز وجل

وتبكى بين يديه .. وشعرت بعدها براحة نفسية لم تشعر بها

من قبل

ثم انهت صلاتها وذهبت الى جهاز
الكمبيوتر الخاص بها وفتحت

ايميلها لترسل الى اسماء رسالة تروى
لها ما حدث .. ثم

ذهبت لكي تنام

وفى الصباح
الباكر فتحت أسماء إيميلها لتجد الرسالة التى

أرسلتها فاطمة ..
وفرحت جدا بما فيها وقامت بالرد عليها

<<< السلام
عليكم ورحمة الله وبركاته

بسم الله والصلاة والسلام على رسول
الله أما بعد

لا تتخيلى كمية فرحتى بيكِ يا فطومة لما قرأت
رسالتك ..

أقدر أقولك إنك نجحتى فى الاختبار .. ربنا يقبلك يا
حبيبتى

يارب ..

كنت عايزة أكمل لك بقية
كلامى

انا كنت قلت لك 5 حاجات تعمليهم بقلبك لكن لسة فى 3

حاجات تانين مهمين جدا بس دول بقى هتعمليهم
بجوارحك

أول حاجة يا ستى

الســـــــــــرعة
فى العمـــــــــــل

يعنى بسرعة تقومى تتصدي للعقبة دى ومش
تنتظرى وقت

كبير .. ده بيفرق جدا والله

تانى
حاجة

كثــــــــرة الاسبـــــــــاب
المبذولـــــــــــة

يعنى مثلا كنتى عايزة تسمعى شريط والكاسيت
باظ تعملى

إيه ؟

تحققى ال5 نقط اللى سبقوا
بقلبك وبعدين بسرعة تقومى

1- تصلحيه
بنفسك

لو ماعرفتيش

2- تجيبى حد
يصلحه

لو ما عرفش

3-استلفى واحد تانى من أى
واحدة صاحبتك

طب لو بعد ما استلفتى .. الكهرباء قطعت
!!

4- اقرأى فى كتاب

مش فاهمة

5- تشوفي حد يفهمك

وهكذا .. لاتستسلمي
أبدا

أصل ربنا ليه خلق لنا أرجلنا وأيدينا وأعيننا
؟

علشان نشغلهم فى الحاجات دى صح ؟

تالت
حاجة

الاتقـــــــــــــــــــان

لازم يكون
عندك اتقان وانتى بتعملى كده لأنك بتتعاملى مع

الله عز وجل مش
مع بشر .. و لا يكون كل همك انك تتحركى

وخلاص لأ لازم يكون عندك
صدق .

طيب بعد ما تطبقى ال5 نقط بقلبك وال3 نقط التانين
بجوارحك

والعقبة لسة زى ما هى تعملى إيه
؟

تســــــــــــــــتلمــــــــــــــــــــي
..

ويتسع صدرك لهذا الأمر .. ممكن يكون فى حزن ولكن
لايكون

في ضيق صدر

وتستشعري إنك فى إختبار
جديد ويكون حالك زي

(تَوَلَّوْا وَأَعْيُنُهُمْ تَفِيضُ مِنَ
الدَّمْعِ حَزَنًا )

لو كان الأمر دنيوي استسلمى من غير حزن لأن ده
هو الخير

والانسان بيبقى شايف الخير فى حاجة هى سبب هلاكه فى

حين إن الخير فى مكان تانى خالص ..فتيقنى أن هذا هو
عين

الخير لكِ ولا تحزني

أما لو كان أمر
ديني أو أخروي

استسلمي مع حزن .. أحزني على فقد الطاعة
وسارعي

بالتعويض ولا تحبطي ..

ويارب تقدري
تحققي كل الكلام ده وربنا يعينك يا حبيبتى يارب

ولا تنسي التضرع
واللجوء إلى الله عز وجل فى كل أمر حتى

ييسره لكِ
.

وأسال الله لكِ القبول

أحبك فى
الله

والسلام عليكم ورحمة الله وبركاته
>>

تمــــــــــــــــت
بفضــــــــــــــــل اللــــــــــــــــه